Elke leerder het ’n stem.

Kultuur kweek ’n liefde vir uitdrukking, dissipline en samewerking. Leerders word aangemoedig om hul talente met nederigheid en vreugde te gebruik, gedagtes met wysheid te verwoord, emosie met empatie te deel en in selfvertroue te groei. Deelname en volharding vorm karakter en bou op geloof.

Die program bou kreatiwiteit, selfvertroue en verbondenheid deur die Graad 8-konsert, redenaars, debat, WOW Spelfees, SALA-leesfees, koor, tiener- en digitale teater, kuns, personeelkonsert en Sangatlete. Die amptelike kultuurkode word volgende kwartaal bygevoeg.

Kultuurkraal en die ATKV Jeugtak skep verdere maniere om deel te neem. Kultuurhoof Gerdine Wessels koördineer die program.

HTS-leerders het die skool met onderskeiding in redenaars, debat, lees, spel, koor en digitale teater verteenwoordig.